هذي الكلمات كتبتها بسبب رسالة وصلتني على مراسل جيران من شخص حاب يتعرف وكتب وسط الكلام " حبيبتي " وطبعا انا ما اعرف من هذا الشخص ولا لي علاقة فيه واستغربت من الكلمة لأنه عندي انا مو مسموح احد يقول لي هالكلمة من دون سابق معرفة وما راح يكون هناك معرفة أساسا وهالكلمة بالذات صرت ما ابي اسمعها أو أقراها الا من شخص واحد اتمنى تنال اعجابكم هالكلمات
يا انت مدري من وين جيت
لا أعرف فصلك ولا أصلك ولا من تكون
وللعلم أنا ما أبي أعرف شي
وش تبي؟
وشلون جتك الجرأة تقول لي حبيبتي
أنا ما ني حبيبتك
ولا يمكن أكون
أنا حبيبته هو
لو ما هو لي بس أنا حبيبته
كلمات قصيرة جدا لكن مضمونها واضح يمكن لو وحدة غيري بتستانس عالكلمة وتعجبها وبتحب تسمعها دايم لكن انا وللأمانة يوم قريت هالكلمة ما حسيت بشي غريب أو شي ملفت بالعكس حسيتها مثل أي كلمة تنقال يمكن تقولون انا ما اعرف الحب لكن بقولكم الحب هو حياتي ما اقدر اعيش من دون الحب بس الحب الصادق والطاهر والنقي
الحين ادري فيه ناس بيقولون شهالغرور اللي انتي فيه بس عادي بتقبلها منكم بكل ثقة اي حد يقولها مقبولة منه انا تعلمت شي من شخص وهو اني اتقبل اي شي ينقال لانه طالما أنا واثقة من نفسي عادي ما يهمني شي هههههههههههههههههههه <<<<<<<<< مجنونة
06 يونيو, 2008 11:24 م