تدخل إلى عالم المنتديات بريئة وبمعنى ادق تتصنع البراءة وما إن ترى مدير المنتدى حتى تبدأ بالتغنج والتميلح ويا مدير استلم وكان الله في عونك,تتكلم بدلع ماصخ جدا وتسوي نفسها دلوعة وهي في صوب والدلع في صوب ولا حط عضو موضوع فيه أي نوع من أنواع الحشرات أو اللي يشابهها أول كلمة بتقولها هي: يااااااااااااي وبعدين تقول مقرف وع وع وع من جد مقرف (طيب ليش زعلانة كان ما دشيتي الموضوع من أول وريحتينا) والله تدش وعلى قولة السعوديين تسوي قلق وتطلع ههههههههههههه من جهة ثانية أو نجي للمدير بمعنى أدق يشوف المواضيع الجديدة ويرد عليها رد عاااااااادي جدا ويحمل تشجيع للأعضاء عاد اختنا لو شافت المدير مدحها ولا شجعها شتسوي؟ تقعد تدور ذاك الكلام الزين والمديح وغيره وتستهبل ومن تطلع من المنتدى وتسولف مع ربيعاتها في الماسنجر تقول: واي تصدقين مدير المنتدى معجب فيني وما يمدح حد غيري في المنتدى وااااي والله انه عسول ومملوح>>>من جد عرفينا عليه يا شيخة هههههههههه
هذي تقدرون تسمونها نوع أول من أنواع بعض بنات المنتديات, نجي لنوع ثاني وهي البنت اللزقة يا مصاختها هذي ما ادري من وين جاية, تدخل المنتدى وأول شي تدور عليه هي الثانية صورة المدير وان عجبها كملت المسلسل اللي جاية عشانه أما لو ما لقت صورة تدور في الكلام اللي ينقال عنه وبعد ما يعجبه تتجلس تتصنع الرقة قدامه وتدلع وتسوي حركاته إذا ما عطاها وجه تلجأ للرسايل الخاصة وتتلزق له هناك وتقول في النهاية ان دافعها الأساسي إنها تسأل عنه وتطمن عليه>>> ليش هو قريبك ولا قريبك بتسألين عنه؟! لزقة وبس
المشكلة هنا مب حركات البنات وبس المشكلة لو المدير اتجاوب مع هذي الأشكال شو يكون الحل؟ بصراحة أحسن شي تجاهلهم لأن هذا اللي يستحقونه بنات هالجيل الغبي, فعلا غبيات لأن كلهن يكررن نفس الحركة وما فيه وحدة سوت حركة جديدة أمحق بنات
09 فبراير, 2008 08:15 م